Տպել
Ամերիկյան առաջնորդը նաև հաղորդել է ահաբեկչի երկու կանանց մահվան մասին։
Թրամփի խոսքով՝ մահապարտների գոտիներով կանանց գտել են բնակելի համալիրում. պայթուցիկ սարքը, սակայն, չի գործել ։
«Բայց այն փաստը, որ նրանք մահացած են, իսկ նրանց վրա գոտիներ են եղել, բարդացրել է իրավիճակը մեր մարդկանց համար, որովհետև երբեք չգիտես՝ ինչ տեղի կունենա։ Նրանք չեն պայթել, բայց մահացել են», – ասել է Թրամփը։
Հիշեցնենք, որ հոկտեմբերի 27-ին տեղեկություն էր տարածվել, որ ամերիկյան զինվորականները չեզոքացրել են Բաղդադիին։
ԴՆԹ անալիզից հետո միայն հնարավոր կլինի պնդել, որ Բաղդադին սպանվել է։ Ավելի վաղ Պենտագոնի բարձրաստիճան ներկայացուցիչներից մեկը բացահայտել էր գործողության մանրամասները՝ հաղորդելով, որ երբ ամերիկյան զորքերը մոտեցել են Բաղդադիի տանը, սիրիական Իդլիբի Բարիշա գյուղում սկսվել է փոխհրաձգություն, որը կարճ է տևել։ Մարտի ընթացքում Բաղդադին և նրա երկու կանայք իբր պայթեցրել են իրենց` մահապարտների գոտիների օգնությամբ։
