Տպել
Վրաստանի ՆԳՆ-ն մշակել է փոփոխություններ, որոնք ենթադրում են սեքսուալ հողի վրա կատարված հանցագործությունների համար սահմանված պատիժների խստացում և դրա համար դատապարտված անձանց տվյալների բազա: Այդ մասին ասվում է Վրաստանի ՆԳՆ կայքում:
Ընթացիկ տարվա հունվարից սեպտեմբեր ամիսներին Վրաստանում գրանցվել է 306 սեքսուալ բնույթի հանցագործություն, և 152 մարդ ենթարկվել է քրեական պատասխանատվության: Նրանցից 114-ը դատապարտվել է անչափահասների նկատմամբ կատարված հանցագործությունների համար:
Օրինագծի համաձայն` նրանց նկատմամբ, որոնք պատիժ են կրում սեքսուալ բնույթի հանցագործության համար, կսահմանվի հատուկ հսկողություն: Նրանց կպարտադրվի 5 օրվա ընթացքում հայտնել իրենց բնակության վայրը, աշխատավայրի մասին տվյալներ հայտնել, իրավապահների առաջին իսկ պահանջի դեպքում ներկայանալ ոստիկանություն:
Հանցագործներին կարող է արգելվել մոտ 30 մետրից ավելի մոտենալ դպրոցներին, մանկապարտեզներին, գրադարաններին, երեխաների զվարճանքի կենտրոններին և անչափահասների հետ աշխատող հաստատություններին:
