Տպել
ՀՀ արտակարգ իրավիճակների նախարարության «911» ծառայությունը դեկտեմբերի 3-ին, ժամը 11:58-ին ահազանգ է ստացել, որ Երևանի Ֆանարջյան փողոցի թիվ 76/1 շենքի մոտակայքում այրվում է ավտոմեքենա:
Դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի երկու մարտական հաշվարկ:
Հրդեհը մարվել է տեղի ուժերով:
Պարզվել է, որ Ֆանարջյան փողոցի թիվ 76/25 շենքի մոտակայքում այրվել է «Mercedes Vito» մակնիշի ավտոմեքենայի (վարորդ՝ Գագիկ Ս.) սրահը՝ մասամբ:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, վերադարձի ճանապարհին Ֆանարջյան փողոցում «Isuzu» հրշեջ-ավտոմեքենան բախվել է «Honda Elysion» մակնիշի ավտոմեքենային: Տուժածներ չկան:
