Տպել
«Ֆլեշ» ընկերության նախագահ Բարսեղ Բեգլարյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված արարք կատարելու համար։ Այս մասին հայտնեցին Հատուկ քննչական ծառայությունից։
ArmDaily.am-ը կապ հաստատեց Բարսեղ Բեգլարյանի հետ՝ մեղադրանքի առնչությամբ նրա տեսակետն իմանալու համար։
– Բարև Ձեզ, Պարոն Բեգլարյան, ինչպե՞ս եք․․․ Պարոն Բեգլարյան, դո՞ւք եք։
– Ոոոոչ։
– Պարոն Բեգլարյանի հեռախոսի՞ն եմ զանգել։
– Այոոո։
– Պարոն Բեգլարյան, Դո՞ւք եք։
– Ոոոոչ
– Հիմա Դո՞ւք, եք թե՞ Դուք չեք, պարոն Բեգլարյան։
– Բա դու ով ես։
– Ես լրագրող եմ՝ ArmDaily.am կայքից։
– Չգիտեմ պարոն Բեգլարյանը կկարողանա խոսել, թե ոչ, Բարսեղ Բեգլարյանին հողին հանձնեցինք, մեռավ ինքը էս աշխարհի համար, գնաց Հիսուս Քրիստոսի մոտ։
– Ինչո՞ւ եք նման բաներ ասում, պարոն Բեգլարյան։
– Դուք երևի լավ չհասկացաք, հա։ Ձեզ ի՞նչ է հետաքրքրում, ասեք։
– ՀՔԾ-ն մեղադրանք է առաջադրել Ձեզ, ընդունում ե՞ք մեղադրանքը, առհասարակ, ծանոթ եք դրա բովանդակությանը։
– Անձամբ ես չեմ ընդունում, չգիտեմ Բեգլարյան Բարսեղը ընդունում ա, թե չէ։
– Ես ուզում եմ հասկանալ, ճիշտ եմ զանգել, թե ոչ։
– Դուք զանգել եք Բարսեղ Բեգլարյանի հեռախոսահամարին, բայց Ձեզ հետ Բարսեղ Բեգլարյանը չի խոսում։
– Ո՞վ է այդ դեպքում ինձ հետ խոսում։
– Դա կարևո՞ր ա։
– Իհարկե կարևոր է, Դուք ասում եք պարոն Բեգլարյանը մահացել է․․․․
– Բարսեղ Բեգլարյանն իրոք այս աշխարհի համար վաղուց մահացել ա, խաչված ա ինքը, Դուք հիմա իրա ստվերի հետ եք խոսում․․․․․
Այս պատասխանից հետո «առեղծվածային ստվերը» անջատեց հեռախոսը:
