Տպել
Մասնագետները պնդում են, որ «ձողիկ» (“պլանկա”) վարժությունը կարող է օգնել մի փոքր նիհարել և մարմինը դարձնել ավելի ձգված: Ավելին՝ այս վարժությունը համարվում է ճնշամկանների ամրացման համար ամենաարդյունավետը:
Ինչպե՞ս ճիշտ կատարել այս վարժությունը:
Ընդունեք պառկած հենում դիրքը և բարձրացեք արմունկների վրա՝ հատակին զուգահեռ: Արմունկները պահեք ուսերի մակարդակին: Մեջքը մի կլորացրեք վեր և մի թեքեք դեպի հատակը, մարմինը պետք է հավասար լինի, իսկ մկանները առավելագույնս լարված:
Առաջին հայացքից կարող է թվալ, որ այս վարժության կատարումը դժվար չէ: Բայց չպատրաստված մարդը հազիվ թե կարողանա երկար մնալ «ձողիկի» դիրքում: Այս պատճառով խորհուրդ է տրվում սկսել օրական 20 վայրկյանից՝ աստիճանաբար մի քանի վայրկյանով մեծացնելով վարժության տևողությունը, մինչև հասնեք մեկ րոպեի:
Մասնագետների խոսքով՝ այս վարժությունը ամբողջ մարմինը տոնուսավորում է՝ ուսերից և թևերից մինչև հետույքի մկաններ և ծնկատակի ջլեր: Քանի որ գործարկվում են բոլոր մկանները, սա ժամանակի ընթացքում կարող է օգնել դրանք դարձնել ավելի ուժեղ և ավելի առաձգական՝ ձեր մարմնին հաղորդելով իսկապես գեղեցիկ, նուրբ և ձգված տեսք: Այս վարժությունը կարող է ձեզ օգնել նաև ստանալ լավ ճնշամկաններ, եթե դրան ձգտում եք:
