Տպել
«Այո» քարոզչության կողմ հանդիսացող ԱԺ 44 պատգամավորներին ընտրությունների և հանրաքվեի «շփոթման» մասին
Հարգելի պատգամավորներ, հիշեցնում եմ, որ՝
1. Ընթացող Հանրաքվեի նախաձեռնողը դուք եք և ԿԸՀ-ում գրանցվել եք որպես քարոզչական կողմ, որի ներկայացուցիչն է պատգամավոր Հովակիմյանը («Հանրաքվեի մասին» ՀՀ օրենքի 17-րդ հոդվածի 5-րդ և 6-րդ մասեր);
2. Հանրաքվեի դրված հարցը կարող է ունենալ միայն մեկ «Այո», որը դուք եք, սակայն ստեղծվել է երկրորդ կողմ՝ շտաբի տեսքով, որի պետ թե ներկայացուցիչ է նշանակվել կառավարության անդամ Պապիկյանը (Օրենքի 17.3 և 17.6-րդ մասերի խախտումներ);
3. Հանրային ծառայող Վարչապետը ձեր լռելայն համաձայնությամբ և ձեր փոխարեն հանդես է գալիս որպես նախաձեռնության հեղինակ, օրինակ՝ «Հարցազրույց Պետրոսի հետ» ծրագրում և ի պաշտոնե լայնածավալ քարոզչություն է իրականացնում (Օրենքի 17.6 և 17.14.1-ին մասերի խախտումներ);
4. Մարզպետը հայտարարում է, որ մարզային քարոզչությունն ինքն է իրականացնում՝ (Օրենքի 17.14.1-ին մասի խախտում):
Այսինքն, հիմնովին փոխել եք առանց այն էլ հակասահմանադրական Հանրաքվեի իմաստն ու նշանակությունը, դուք այն անթաքույց «շփոթել» եք քաղաքական միջոցառման՝ ընտրությունների հետ: Ավելին, ձեր նախաձեռնությունը փոխանցելով ՔՊ կուսակցությանը և Վարչապետին, խառնաշփոթ եք ստեղծել երկրի կառավարման համակարգում, ԶԼՄ-ների և հայաստանցուս մոտ: Ավելին, հնարավորություն եք տվել վարչական ահռելի միջոցներ օգտագործել «Այո»-ի համար:
Հույս եմ հայտնում, որ սույն տեղեկատվությունս կօգնի միջոցներ ձեռնարկել «Հանրաքվեի մասին» սահմանադրական օրենքի խախտումները վերացնելու և գոնե ծախսվող ահռելի ժամանակն ու միջոցներն օգտագործելու հանրաքվեի կազմակերպման և անցկացման նոր մշակույթի ձևավորման «հեղափոխական» պահանջի ուղղությամբ:
Վերը բերված խախտումներն ավելի քան ցայտուն ձևով հիմնավորում է մեր երկրի թիվ մեկ պաշտոնյա օրիորդ Մակունցն իր ճեպազրույցում։
Ռուբեն Թորոսյան
