Մեսսին մեկ միլիոն եվրո է նվիրաբերել կատալոնական հիվանդանոցին՝ կորոնավիրուսի դեմ պայքարելու համար

«Բարսելոնայի» ավագ Լիոնել Մեսսին մասնակցել է կորոնավիրուսի դեմ պայքարին:

Ինչպես հաղորդում է Diario Sport-ը, արգենտինացին մեկ միլիոն եվրո է նվիրաբերել կատալոնական Hospital Clinic հիվանդանոցին, որն ուսումնասիրում է կորոնավիրուսը: «Մենք շնորհակալություն ենք հայտնում Լեոյին՝ աջակցության համար»,- ասվում է հիվանդանոցի հաղորդագրության մեջ:

Մեսսին նաև մի շարք նվիրատվություններ է արել արգենտինական կլինիկաներին:

Իսպանիայում գրեթե 40 հազար մարդ վարակվել է կորոնավիրուսով: 2.800-ը մահացել են:

Պատրաստեց Անի Գաբուզյանը