Արտակարգ դրության ռեժիմը մեկ ամսով երկարաձգվեց

Կառավարությունը մեկ ամսով երկարաձգեց արտակարգ դրության ռեժիմը: Արդարադատության նախարար Ռուստամ Բադասյանն ասաց, որ կառավարությունը որոշում է երկարաձգել ՀՀ-ում 2020 թվականի մարտի 16-ին հայտարարված և մինչև մայիսի 14-ը երկարաձգված արտակարգ դրության ժամկետը 2020 թվականի մայիսի 14-ից՝ ժամը 17:00-ից երկարացնել ևս 30 օրով՝ մինչև 2020 թվականի հունիսի 13-ը՝ ժամը 17:00-ն ներառյալ ժամկետով:

Բադասյանի խոսքով՝ որոշմամբ հստակեցվում է մեկուսացման և  հարկադիր հոսպիտալացման կարգը, այն կիրառող մարմինների շրջանակը: «Ընդ որում, հատուկ շեշտվել է, որ անձնական ազատության իրավունքը սահմանափակող ակտերը կարող են վիճարկվել վարչական կամ դատական կարգով»,- ասաց նա:

Նախարարը հավելեց, որ որոշակիորեն մեղմվել են սահմանափակումները քրեակատարողական հիմնարկներում, մասնավորապես, թույլ են տալու, որպեսզի շաբաթը մեկ անձի կողմից հանձնուք հանձնելու հնարավորություն ընձեռվի դատապարտյալներին: