Տպել
Մամուլում շրջանառվող լուրերի համաձայն՝ վարչապետ Նիկոլ Փաշինյանի և փոխվարչապետ Տիգրան Ավինյանի ջրերն, արդեն տևական ժամանակ, նույն առվով չեն հոսում և մոտ օրերին փոխվարչապետին փոխարինելու կգա ԿԳՄՍ նախարար Արայիկ Հարությունյանը։ Նկատենք, թեեւ հիմա Հայաստանում արտակարգ դրություն է, իսկ պարետն էլ Տիգրան Ավինյանն է, սակայն վերջինս արդեն տեւական ժամանակ է հանրային հարթակում որեւէ ակտիվություն չի ցուցաբերում, պարետի նիստերից հետո ասուլիսներ է հրավիրում վարչապետը։
Ավելին՝ օրեր առաջ հայտարարվեց, թե հերթական ճեպազրույցին Փաշինյանի հետ կմասնակցեն նաեւ պարետն ու առողջապահության նախարարը, սակայն պարետն այդպես էլ ներկա չգտնվեց եւ ասուլիսն առանց նրա տեղի ունեցավ։
«Փաստինֆո»-ի աղբյուրը տեղեկացնում է, որ է, որ հայագիտական առարկաների դասաժամերը կրճատելու իր հստակ քաղաքականությամբ աչքի ընկած Արայիկ Հարությունյանի փոխվարչապետ նշանակվելու պարագայում քննարկվում է նախարարի պաշտոնում Հանրային Հեռուսատընկերության մեկնաբան Պետրոս Ղազարյանի կնոջ՝ Ժաննա Անդրեասյանի թեկնածությունը։ Նշենք, որ վերջինս 2019 թվականին նշանակվել էր Աշխատանքի և սոցիալական հարցերի նախարարի տեղակալ, իսկ 2020 թվականի մարտից զբաղեցնում է կրթության փոխնախարարի պաշտոնը։
