Տպել
Microsoft կորպորացիայի նախկին ղեկավար Բիլ Գեյթսը հայտարարել է, որ կորոնավիրուսը հաղթելու միակ միջոցը գերարդյունավետ պատվաստանյութն է, հաղորդում է NBC-ն:
«Նորմալ վիճակի վերադառնալու միակ միջոցը՝ դեղամիջոց ստանալն է, որը հասանելի կլինի բոլորին: Դա հնարավորություն կտա հիվանդությունը կանխել գլոբալ մասշտաբով»,- ասվում է հաղորդագրությունում:
Հոկտեմբերի 9-ին ԱՄՆ-ում հաստատվել է կորոնավիրուսով վարակման 57.420, հոկտեմբերի 8-ին՝ 56.191, հոկտեմբերի 7-ին՝ 50.341 դեպք: Երկիրը նման ցուցանիշների է հասել օգոստոսի կեսերին:
ԱՄՆ-ն աշխարհում առաջին տեղում է կորոնավիրուսի տարածման գծով. վարակվել է 7.66 միլիոն մարդ, մահացել՝ 213 հազարը:
Ընդհանուր առմամբ, համավարակի ընթացքում աշխարհում գրանցվել է 37 միլիոն դեպք, վերականգնվել է գրեթե 28 միլիոն, մահացել է ավելի քան մեկ միլիոն մարդ:
