Ֆրանսիայի ոստիկանությունը եւս մեկ մարդու Է ձերբակալել Իլ դը Ֆրանսում ուսուցչի սպանության գործով

Ֆրանսիայի ոստիկանությունը ձերբակալել Է եւս մեկ մարդու մայրաքաղաքի Իլ դը Ֆրանսի տարածաշրջանում ուսուցչի սպանության գործով: Հոկտեմբերի 18-ին այդ մասին հայտնել Է դատական մարմինների մի աղբյուր: Նրա տեղեկատվությամբ՝ խոսքը վերաբերում Է մի կինոջ, որն Իվելինի դեպարտամենտում հարձակում կատարողի շրջապատից Է: Նա կալանավորված Է: Ձերբակալված կինը դարձել Է հոկտեմբերի 16-ին կատարված ահաբեկչական գործողության հանգամանքների հետաքննության տասնմեկեորդ ֆիգուրանտը:

Հոկտեմբերի 17-ի երեկոյան ոստիկանները ձերբակալել են Պանտեն քաղաքի (Փարիզի արվարձան) իսլամական քարոզիչին: Տեղեկատվություն այն մասին, թե հատկապես ինչ կապեր Է նա ունեցել մարդասպանի հետ, չեն հայտնում: Մինչ այդ երկրի հակաահաբեկչական դատախազության ղեկավար ժան Ֆրանսուա Ռիկարը հայտնել Է, որ կալանքի տակ Է գտնվում ինը մարդ: Նրա խոսքով ձերբակալվածներից մեկի խորթ քույրը, որին ներկայումս դատարանը որոնում Է ահաբեկչական հանցագործությունների համար, 2014 թվականին հարել Է «Իսլամական պետություն» ահաբեչական խմբավորմանը:

Երու հոգի իրենք են դիմել կոմիսարիատ, որպեսզի հայտնեն, որ վերջերս շփումներ են ունեցել կասկածյալի հետ, հավելել Է դատախազը: Հոկտեմբերի 16-ի երեկոյան Կոնֆլան Սենտ Օնորին քաղաքում (Իլ դը Ֆրանսի տարածաշրջան) դպրոցի մոտ հարձակում Է կատարվել ուսուցչի վրա, որտեղ նա պատմություն Էր դասավանդում: Հարձակվողը կտրել Է նրա կոկորդը: Չարգործը փորձել Է սպառնալ պատահարի վայր ժամանած ոստիկաններին, բայց գնդակահարվել Է, հաղորդել Է ՏԱՍՍ-ը: