Տպել
ԿԱՐԵՒՈՐ. ԶԳՈՒՇԱՆԱԼ ԱԴՐԲԵՋԱՆԱԿԱՆ ՏԵՍԱՆՅՈՒԹԵՐԻՑ ՈՒ ԼՈՒՍԱՆԿԱՐՆԵՐԻՑ…
Ադրբեջանական կողմը պարբերաբար հրապարակում է հայ ռազմագերիների ու զինծառայողների դիակների հանդեպ անմարդկային վերաբերմունքի դեպքեր ներկայացնող տեսանյութեր ու լուսանկարներ: Անխոս, դրանք դաժանագույն պատերազմական հանցագործություններ են և պետք է խստագույնս դատապարտվեն ու պատժվեն դրանց հեղինակներն ու խրախուսողները:
Մարդու իրավունքների պաշտպանի փաստահավաք առաքելության շրջանակներում շարունակաբար փաստագրում ենք այդպիսի դեպքերը և պատրաստում համապատասխան փակ զեկույցներ, ինչպես նաև տվյալները փոխանցում ենք Կարմիր խաչի միջազգային կոմիտեի գրասենյակին, որպեսզի միջոցներ ձեռք առնեն ռազմագերիների ու դիակների վերադարձման ուղղությամբ:
Սակայն կուզեի մի քանի բան խնդրել մեր հայրենակիցներին՝
- Չտարածել այդպիսի նյութերը հայկական շրջանակներում, քանի որ ադրբեջանական կողմի նպատակը հենց հայկական հասարակության տրամադրությունների վրա բացասականորեն ազդելն է այդ հոգեբանական դիվերսիաների միջոցով.
- Չխոսել այդպիսի դեպքերի մասին հատկապես Հայրենիքի պաշտպանության գործում ընդգրկված անձանց հետ.
- Զգուշանալ նաև տեսածներին հավատալու հարցում, քանի որ երբեմն կիրառվում են կեղծ նյութեր հատկապես սիրիական պատերազմից.
Պետք չէ մոռանալ, որ տեղեկատվական-հոգեբանական անվտանգությունը Հայրենիքի անվտանգության գլխավոր բաղադրատարրերից մեկն է, և որքան քիչ տեղեկություններ ադրբեջանական տեղեկատվական դաշտից մտնեն մեր դաշտ, այնքան ավելի լավ:
ԱՀ ՄԻՊ Արտակ Բեգլարյան
ԿԱՐԵՒՈՐ. ԶԳՈՒՇԱՆԱԼ ԱԴՐԲԵՋԱՆԱԿԱՆ ՏԵՍԱՆՅՈՒԹԵՐԻՑ ՈՒ ԼՈՒՍԱՆԿԱՐՆԵՐԻՑ…Ադրբեջանական կողմը պարբերաբար հրապարակում է հայ…
Gepostet von Artak Beglaryan am Freitag, 23. Oktober 2020
