Տպել
Իրանի փոխարտգործնախարար Սեյեդ Աբբաս Արաղչին, ղարաբաղյան հակամարտության լուծման վերաբերյալ Իրանի նախաձեռնությունը ներկայացնելու նպատակով իր այցերի շրջանակում, Բաքվում և Մոսկվայում կայացած հանդիպումներից հետո, այսօր ժամանել է Երևան:
Երևանում, Իրանի պետական ռադիոհեռուստատեսության լրագրողին տված հարցազրույցում, Արաղչին ասել է. «Ադրբեջան կատարած իմ այցի ընթացքում, սեղմ բանակցություններ ունեցա այդ երկրի պաշտոնյաների հետ: Բաքվից մեկնեցի Մոկսվա, որտեղ նույնպես ունեցանք արդյունավետ բանակցություններ: Երչևանում հանդիպելու եմ մի շարք պաշտոնյաների հետ:
Բարդ ժամանակ է և կարիք կա հնարավորինս արագ խաղաղության գործընթացի վերաբերյալ որոշում կայացնելու, որպեսզի խաղաղության համար ճանապարհ բացվի:
Ցավալի է, որ զոհերի թիվն աճում է: Խաղաղ բնակչության դեմ հարձակումը միանշանակ դատապարտելի է և խաղաղ բնակիչների, այդ թվում նաև հիվանդանոցի դեմ իրականացված հարձակումն ու անմեղ մարդկանց զոհվելը միանշանակ անընդունելի է: Այդ իսկ պատճառով, մենք հույս ունենք, որ խաղաղության հաստատման համար հնարավորինս արագ ճանապարհ կհարթվի: Երևանում իմ հանդիպումների առանցքում լինելու է այդ հարցը: Հույս ունենք, որ Իրանի ներկայացրած ծրագիրը կարող է հարթել այդ ճանապարհը:
Իրանը հարևան է Հայաստանի ու Ադրբեջանի հետ: Մենք երկու երկրների հետ ունենք հին և բարեկամական հարաբերություններ: Իրանում հայերն ու ադրբեջանցիներն իրենց իրանցի հայրենակիցների կողքին, ապրում են խաղաղությամբ:
Այս ճգնաժամում մենք հավատարիմ ենք միջազգային սկզբունքներին: Մենք հավատում ենք, որ այն բարի կամքն ու հնարավորությունները, որ ունի Իրանը, կարող են օգտագործվել խաղաղություն, հատկապես տևական խաղաղություն հաստատելու համար:
Իրանի իսլամական հանրապետության նախաձեռնության նպատակն է կայուն խաղաղություն հաստատել տարածաշրջանում և հույսով եմ, որ մենք, իհարկե այլ երկրների հետ համագործակցուրթյամբ, կարող ենք հասնել այդ նպատակին, քանի որ Իրանն ունի այդ կարողությունը:
