Տպել
Աջարիայի Ինքնավար Հանրապետության ոստիկանության դեպարտամենտի ղեկավար Կոնստանտին Անանիաշվիլին հայտնել Է, որ Բաթումում անցկացվող ընդդիմության ակցիայում իրավիճակը հանգիստ Է, եւ մոբիլիզացվել են ոստիկանության ուժերը, ներառյալ հատուկ նշանակության ուժերը՝ ապահովելով հասարակական կարգի պահպանումը:
Լրագրողների հետ տեղի ունեցած զրույցում նա հայտարարել Է, որ իրավապահ մարմինների աշխատակիցների գործողությունները կախված կլինեն իրադարձությունների զարգացումից:
«Ներկա փուլում Աջարիայի կառավարության տան առջեւ իրադրությունը հանգիստ Է»,-ասել Է նա՝ նշելով ոստիկանության ուժերի մոբիլիզացումը, ներառյալ հատուկ նշանակության ուժերը՝ ապահովելով հասարակական կարգի պահպանումը նմանօրինակ ակցիաների ժամանակ:
Մեկնաբանելով այն փաստը, որ բողոքողները չեն ենթարկվում COVID-19-ի դեմ պայքարի սահմանափակիչ միջոցներին, Անանիաշվիլին հայտարարել Է, որ ՆԳ նախարարությունը կգործի օրենքին համապատասխան:
«Սպասենք իրադարձությունների զարգացմանը»,- հավելել Է նա:
Ավելի վաղ նոյեմբերի 8-ին Բաթումում Աջարիայի Ինքնավար Հանրապետության կառավարության շենքի առջեւ Թբիլիսիին զուգահեռ անցկացվող ընդդիմության հանրահավաքների մասնակիցները հայտարարել են, որ անտեսելու են իշխանությունների կողմից սահմանված կորոնավիրուսային սահմանափակումները եւ անցնելու են 24-ժամյա բողոքի ռեժիմին:
Ավելի վաղ հոկտեմբերի 31-ին անցկացված Վրաստանի խորհրդարանական ընտրությունների եւ Աջարիայի Գերագույն խորհրդի ընտրությունների արդյունքների հետ չհամաձայնող ընդդիմադիր կուսակցությունների ներկայացուցիչները Բաթումում պահանջել են նոր ընտրությունների անցկացում եւ Վրաստանի կենտրոնական ընտրական հանձնաժողովի նախագահ Թամարա Ժվանիայի պաշտոնաթողություն: Նման պահանջներ են հնչել Թբիլիսիում անցկացված ընդդիմության հանրահավաքում: «Վրացական երազանք» կառավարող կուսակցությունում ընդդիմության պահանջները համարել են անհեթեթություն, հաղորդել Է «Ինտերֆաքս»-ը:
