Տպել
Քաղաքագետ Վարդան Բալյանը, անդրադառնալով ԿԳՄՍ փոխնախարար Ժաննա Անդրեասյանի՝ Նժդեհի մասին ավելի վաղ արած հայտարարություններին, ֆեյսբուքյան իր էջում գրում է.
«ԿԳՄՍ փոխնախարար Ժաննա Անդրեասյանը բարձրաձայնում է ոչ միայն իր անձնական կարծիքը, այլ կառավարող քաղաքական ուժի.
«Չկա հայրենասիրության կոնցեպցիա որպես էդպիսին: Հայրենասիրության կոնցեպցիան ինքը փուչիկ է: Հայրենասիրության կոնցեպցիան անհրաժեշտ է որպես մոբիլիզացիոն գաղափար, ասենք, պատերազմների ժամանակ, բնական արհավիրքների ժամանակ և այլն, բայց, որպես էդպիսին, հայրենասիրությունը շատ վտանգավոր գաղափար է…»։
Հայրենատիրության կոնցեպտը, պետական հայրենատիրության գաղափարաբանությունը նոր ձևավորվող ՀԱՅՐԵՆԱՏԷՐ կուսակցության գաղափարախոսությունն է։ Այն իսկապես շատ վտանգավոր է ներկայում կառավարող այս տեսակի համար։ Հայրենասիրությունը, հետևաբար և հայրենատիրությունը շատ վտանգավոր համարողներին իշխանազրկելը ու քաղաքականության լուսանցք նետելը հրամայական անհրաժեշտություն է»։
