Սամուել Սևյանը դարձել է ԱՄՆ առաջնության բրոնզե մեդալակիր

Հայազգի շախմատիստ Սամուել Սևյանը դարձել է ԱՄՆ շախմատի առաջնության բրոնզե մեդալակիր:

Սենտ Լյուսիում անցկացված ԱՄՆ շախմատի առաջնությունում 11 տուրից հետո 6.5 միավոր հավաքած Սամուել Սևյանը, Ֆաբիանու Կարուանան և Ուեսլի Սոն որոշեցին չեմպիոնին թայ-բրեյքում։

Հաղթող դարձավ Ուեսլի Սոն, երկրորդը Կարուանան է, իսկ Սևյանը եզրափակեց եռյակը: Առաջին տեղի համար Սոն ստացավ 50 հազար ԱՄՆ դոլար, իսկ Կարուանան և Սևյանը` 30-ական հազար դոլար:

Ամերիկացի հայազգի շախմատիստ Սամուել Սևյանը ԱՄՆ-ի ամենաերիտասարդ գրոսմայստերն է։ Նա նաև պատմության մեջ ամենաերիտասարդ վարպետներից է՝ այդ կոչումը նվաճելով 8 տարեկանում։

13 տարեկանում Սևյանի վարկանիշն անցավ 2500-ը, ու նա գրոսմայստեր դարձավ։

Նրա առաջին մարզիչը միջազգային վարպետ Անդրանիկ Մատիկոզյանն է։