Տպել
Պարոն Ազարյան, մեկ-մեկ բարեւ էլ տուր, թե՞ դրան էլ արժանի չենք. Մեկը ձեզ այնքան հարց ունեմ տալու: Այս մասին, այսօր՝ դեկտեմբերի 8-ին, ԱԺ մուտքի մոտ անհետ կորածների եւ զոհված զինծառայողների հարազատների բողոքի ակցիայի ժամանակ դիմելով ԱԺ ՔՊ խմբակցության պատգամավոր Հովիկ Աղազարյանին, ասաց անհետ կորածի հարազատներից Արսեն Ղուկասյանը:
Հովիկ Աղազարյանը, որ արդեն ներս էր մտնում, վերադարձավ եւ ասաց. «Ես բարեւեցի, դու զբաղված էիր: Ահաասարսուռ տեսք ես ընդունել, որ վախենա՞նք: Հարց ունես, տուր, պատասխանը կստանաս»:
Ղուկասյանն էլ արձագանքեց. «Ի՞նչ պատասխան ունեք մեզ տալու: Տնաշեններ, ոնց որ թուրքի համար ծառա լինեք»:
«Բառերդ չափավորի»,-ասաց պտգամավորը, եւ ստացավ պատասխան., «Չափավորում եմ, ինչ ասել ես, էդ եմ ասում: Քոե ասածն եմ քո դեմն ասում»:
Հիշեցնենք, որ անհետ կորած եւ գերեվարված զինծառայողների հարազատները, որոնք նախօրեին բողոքի ակցիա էին իրականացրել կառավարության մոտ, նաեւ փակել էին Տիգրան Մեծի պողոտայի՝ Հանրապետության հրապարակ մտնող եւ կառավարության շենքին հարող հատվածը, այսօր առավոտից Ազգային ժողովի շենքի մոտ են եւ շարունակում են իրենց բողոքի ակցիան:
Ավելի վաղ NEWS.am-ը հայտնել էր, որ նախօրեին «Դեժավյու» տելեգր ամյան ալիքը տեսանյութ էր հրապարակել, որտեղ երևում է, թե ինչպես է ԱԺ նախագահ Ալեն Սիմոնյանը միջոցառումներից մեկի ժամանակ քաղաքացու հետ զրույցում ասում, թե գերիներն իր համար «արդեն չկան»: Ավելի ուշ ԱԺ նախագահի խոսնակը հրապարակել է զրույցի ամբողջական սղագրությունը, ըստ որի եւ շրջանառվող ավելի ընդարձակ տեսանյութի՝ Ալեն Սիմոնյանը, անդրադառնալով գերիների հարցին, ասել է.
«Եթե ես հիմա պետք է էդ գերիների պատճառով պիտի Սյունիք կորցնեմ, եթե ես պիտի Սիսիան կորցնեմ, կներես, մի քիչ կարող է սխալ բան եմ ասում, բայց ես էդ գերիներին համարում եմ, որ արդեն իրենք չկան, իմ համար չկան: Իսրայելը, երբ որ տեռորիստը վերցնում է ինքնաթիռ, ինքը տեռորիստի հետ չի բանակցում, ինքը խփումա էդ ինքնաթիռը: Մենք պետք է հասկանանք՝ մի նժարի վրա ինչա դրած, իսկ մյուսի վրա ինչա դրած: Այո, բնականաբար, մենք այդ տղերքին հետ ենք բերելու, դա չի քննարկվում: Բայց մենք չենք կարա ամբողջ Հայաստանը, Արցախը, ամբողջ հայությունը պատանդ դնենք: Իսկ գիտե՞ս, թե ովքեր են էդ գերիները: Էդ էն մարդիկ են, որոնք զենքը դրել եւ փախել են, մոլորվել են: Ես սա բարձր չեմ կարող ասել: Իրենք զենքը դրել եւ փախել են: Հայտնվել են գերության մեջ: Բնականաբար, մենք էդ տղերքին հետ ենք բերելու, դա չի քննարկվում: Էս մեր մեջա մնում, սա չբարձրաձայնեք խնդրում եմ ձեզ: Ես սա բարձրաձայն չեմ ասի, որովհետեւ նախ ծնողներին կվիրավորեմ եւ այլն, եւ այլն… Բայց մենք պետքա հասկանանք…»:
