Տպել
Ալմաթիում ոստիկանական հատուկ գործողության ժամանակ զինված 7 մարդ է ձերբակալվել։ Տեղեկությունը հայտնում է RT-ն։
Ոստիկանության աշխատակիցները կանգնեցրել ու շրջափակել են այն BMW մակնիշի ավտոմեքենան, որով տեղաշարժվում էին զինված մարդիկ։ Մեքենայի սրահում երկու տղամարդ է եղել։ Նրանց անձնական զննությամբ հայտնաբերվել են ատրճանակ և դանակ։
Բացի այդ, հայտնաբերվել է այն բնակարանը, որում թաքնվում էին զինված մարդիկ։ Հատուկ գործողության արդյունքում 5 տղամարդ է ձերբակալվել։
Նրանց մոտից առգրավել են «Սայգա» որսորդական հրացան՝ փամփուշտներով, ռետինե և մետաղական մահակներ, բենզինի երկու հինգ լիտրանոց տարաներ, ոսկյա իրեր:
