Տպել
ԱՄՆ Թենեսի նահանգում ուղտը փախել է կենդանաբանական այգուց, հարձակվել և սպանել երկու տղամարդու։ Այս մասին հայտնում է New York Post-ը։
Հինգշաբթի օրը՝ մարտի 10-ին, ուղտը կենդանաբանական այգու պարսպից դուրս է փախել և տապալել 42-ամյա Բոբի Մեթինիին և 67-ամյա Թոմի Գաննին: Ականատեսները ոստիկանություն են կանչել, սակայն վերջինները Մեթինիին ու Գաննին հայտնաբերել են գետնին անգիտակից ընկած։
Դեպքի վայր են ժամանել նաև բուժաշխատողները։ Երբ տուժածներից մեկին տեղափոխել են շտապօգնության մեքենա, ուղտը հարձակվել է շերիֆի մեքենայի վրա, և նա ստիպված է եղել կրակել կենդանու վրա։
Մեթինին և Գաննը մահացել են վնասվածքներից։ Հայտնի չէ, թե ինչպես է ուղտը փախել։ Կենդանաբանական այգու աշխատակիցները ցավակցել են զոհվածների ընտանիքներին, սակայն հրաժարվել են մեկնաբանել կատարվածը:
