Տպել
Այսօր Վեսթմինսթերյան աբբայությունում տեղի է ունեցել անցած տարի կյանքից հեռացած արքայազն Ֆիլիպի հիշատակի արարողությունը:
Ինչպես գրում է Daily Mail-ը, Մեծ Բրիտանիայի թագավորական ընտանիքի անդամներն այսօր առավոտյան ժամանել են Վեսթմինսթերյան աբբայություն՝ հարգանքի տուրք մատուցելու հանգուցյալ արքայազն Ֆիլիպի հիշատակին:
Սկզբում միջոցառմանն արքայազն Ֆիլիպի այրու՝ թագուհի Էլիզաբեթ Երկրորդի ներկայությունն առողջական խնդիրների պատճառով հարցականի տակ էր, սակայն թագուհին ժամանել է։ Ինչպես երևում է պարբերականի հրապարակած լուսանկարներից մեկում, տարեց միապետը չի կարողացել զսպել հուզմունքը:
Բացի այդ, արարողությանը ներկա են եղել արքայազն Չարլզը և Քորնուոլի դքսուհին, Քեմբրիջի դուքսն ու դքսուհին իրենց երեխաների հետ, արքայազն Էդվարդը և Ուեսեքսի դքսուհի Սոֆին, արքայադուստր Բեատրիսը և Էդուարդո Մապելի-Մոցզին, արքայադուստր Եվգենիան և Աննան:
Հիշատակի արարողությանը ներկա է եղել նաև Մեծ Բրիտանիայի վարչապետ Բորիս Ջոնսոնը, Նիդեռլանդների թագուհի Մաքսիման, Մոնակոյի իշխան Ալբերտ Երկրորդը, Իսպանիայի թագուհի Լետիցիան և շատ ուրիշներ:
Արքայազն Հարին և Մեգան Մարքլը չեն մասնակցել արարողությանը. ավելի վաղ Սասեքսի դուքսերը հայտնել էին, որ իրենք չեն կարող ժամանել Միացյալ Թագավորություն անվտանգության մակարդակի անբավարարության պատճառով:
