Տպել
Ուկրաինայում ռազմական հատուկ գործողության մեկնարկից անմիջապես հետո Ալլա Պուգաչովան և Մաքսիմ Գալկինն իրենց երեխաների հետ մեկնել են Իսրայել։ Մարտի սկզբին երգչուհին խնդրել էր այս ճամփորդությունը չհամարել արտագաղթ՝ բացատրելով ուղևորությունը որպես հանգստանալու և առողջությունը բարելավելու ցանկություն։ Սակայն աստղային ընտանիքը չի շտապում վերադառնալ Ռուսաստան, և համացանցում արդեն քննարկվում է, որ Պուգաչովան և Գալկինն սկսել են բնակություն հաստատել նոր վայրում։ Այսպիսով, լրատվամիջոցներում տեղեկություններ են հայտնվել, որ Պուգաչովան արդեն աշխատանք է փնտրում Իսրայելում և իբր տեղական հեռուստատեսությունից առաջարկ է ստացել հեղինակային շոու վարելու համար։
Շոումեն և լրագրող Լևան Թոդուան կասկածել է այս տեղեկատվության իսկությանը։
«Սա ինչ-որ անհեթեթություն է: Ալլա Բորիսովնան հաստատ ոչինչ չի վարի, դա նրան պետք չէ, նա հոգ է տանում իր երեխաների մասին։ Իսկ Մաքս Գալկինն իրեն լավ է զգում Ռուսաստանում, սա հերթական լրագրային սուտն է»,- ասել է նա Blitz + պորտալին։
Նշենք, որ ավելի վաղ Թոդուան հերքել էր Պուգաչովայի արտասահման մեկնելը, սակայն շուտով պարզ դարձավ, որ փոփ աստղն, ամեն դեպքում, Ռուսաստանում չէ։
