Տպել
ԱՄՆ նախագահ Ջո Բայդենը արտակարգ դրության ռեժիմ է հայտարարել երկրում էլեկտրոգեներացնող հզորությունների հնարավոր դեֆիցիտի պատճառով: Այս մասին նշվում է Սպիտակ տան տարածած հաղորդագրության մեջ:
Սպիտակ տան տարածած փաստաթղթում Բայդենն արձանագրում է բազմաթիվ գործոնների առկայությունը, որոնք սպառնում են ԱՄՆ-ի հնարավորություններին՝ արտադրել էլեկտրականության անհրաժեշտ ծավալները:
Այդ խնդրի լուծման համար նա, մասնավորապես, երկու տարի ժամկետով ներմուծման մաքսատուրքերից ազատել է Կամբոջայից, Մալայզիայից, Թաիլանդից և Վիետնամից ներկրվող որոշակի արևային տարրեր և մոդուլներ:
