Տպել
Steptohealth.ru կայքը կազմել է 5 օգտակար խորհուրդ մաշկին ամուր և երիտասարդ տեսք հաղորդելու համար:
Ձեզ անհրաժեշտ է օգտագործել մթերքներ, որոնք այրում են ճարպերը, միևնույն ժամանակ՝ ամրացնում մկանները: Սա կարևոր է ոչ միայն նրա համար, որ քաշ կորցնեք, այլև, որ մկանները չզրկվեն ուժից, քանի որ հենց մկաններն են օգնում մեր մարմնին ձիգ տեսք ունենալ: Ցանկացած դիետայի հետևելու դեպքում ուշադիր եղեք, որ ճարպեր կորցնեք և ոչ թե՝ մկանային զանգված:
Որպեսզի մկաններն ամուր լինեն, կարևոր է ճիշտ սպիտակուցներ օգտագործել: Սպիտակուցները շատ կարևոր են օրգանիզմի համար, և առանց դրանց ոչ մի կերպ չի ստացվի կարգավորել սնունդը: Սպիտակուցներ պարունակում են ձուն, հնդկահավի, հավի միսը, նուշը, ձուկը:
Խնձորը ևս իդեալական տարբերակ է, քանի որ այն սպիտակուցներ է պարունակում և օգնում է այրել ճարպերը:
Հակաօքսիդանտները հիանալի միջոց են մաշկը ծերացնող երևույթների դեմ պայքարելու համար: Դրանց մեծ մասը վիտամին A և C են պարունակում, որոնք նպաստում են նյութափոխանակությանը, օգնում այրել ճարպերը և ոչ թե՝ մկանները: Օրգանիզմի համար հրաշալի հակաօքսիդանտներ կարող են լինել կիտրոնը, ցիտրուսային մրգերը:
«Ոչ» ասեք արագ սննդին և ճարպոտ մթերքին: Արագ սննդի ու ճարպոտ մթերքի օգտագործումը ոչ միայն նպաստում են քաշի ավելացմանը, այլև մաշկի ամրության կորստին:
Աշխատեք քիչ մնալ արևի ճառագայթների տակ: Արևը որոշ չափով անհրաժեշտ է մեր օրգանիզմին, օրինակ՝ վիտամին D սինթեզելու համար: Սակայն արևի ճառագայթների տակ երկար մնալը բացասական ազդեցություն է թողնում մաշկի վրա: Դրա արդյունքում մաշկը կորցնում է խոնավությունը, դրա հետ միասին՝ ամրությունը:
Եթե ձեզ չեն գոհացնում մարմնի որևէ մասի մկանները, ապա ֆիզիկական վարժությունների միջոցով աշխատեք ամրացնել մկանները:
