Պուտինը չի պատասխանել Զելենսկու հեռախոսազանգերին

Ուկրաինայի նախագահ Վլադիմիր Զելենսկին ասել է, որ չնայած գործընկերների՝ Ռուսաստանի առաջիկա ներխուժման մասին նախազգուշացումներին, ոչ ոք Ուկրաինային հետախուզության կոնկրետ տվյալներ չի տրամադրել ռուսական հնարավոր հարձակման մասին, գրում է Financial Times-ը։

«Ոչ ոք մեզ կոնկրետ նյութեր ցույց չի տվել, որ դա կլինի այս կամ այն ​​ուղղությամբ», – ասել է Զելենսկին։

Նշվում է, որ Զելենսկին փետրվարի 24-ի ներխուժման նախօրեին բազմիցս փորձել է զանգահարել Ռուսաստանի նախագահ Վլադիմիր Պուտինին։

Ուկրաինայի առաջնորդը ցանկացել է ռուս գործընկերոջն ասել, որ դա կլինի «մեծ սխալ, մեծ ողբերգություն», սակայն Ռուսաստանի ղեկավարը չի պատասխանել իր հեռախոսազանգերին։