Աղջիկը մոր մարմինը երկու տարի պահել է սառցարանում

Ամերիկյան Իլինոյս նահանգի Չիկագո քաղաքի բնակչուհին մահացած մոր մարմինը երկու տարի պահել է սառցախցիկում և տիրացել նրա անձը հաստատող փաստաթղթին։ Այս մասին հայտնում է NBC News-ը։

Կենտուկիի մի բնակչուհի դիմել է ոստիկանություն՝ խնդրելով ստուգել այն տունը, որտեղ ապրում էր իր 96-ամյա տատիկը՝ Ռեգինա Միխալսկին, քանի որ երկար ժամանակ չի կարողացել կապ հաստատել նրա հետ։ Ոստիկանները սառցարանում հայտնաբերել են տարեց կնոջ դի։ Տեսախցիկ է տեղադրվել այն բնակարանին կից ավտոտնակում, որտեղ ամերիկուհին ապրում էր դստեր՝ 69-ամյա Եվա Բրատչերի հետ։

Քննիչները ենթադրել են, որ կինը մահացել է 2021 թվականի մարտին։ Մահվան ստույգ պատճառը հայտնի կդառնա միայն դիակի ամբողջական ապասառեցումից և դիահերձումից հետո։
Ոստիկանությունը ձերբակալել է Բրատչերին։ Կինն ավելի վաղ դատարան էր ներկայացել մոր մահը թաքցնելու և խաբեությամբ ձեռք բերված անձը հաստատող փաստաթուղթը տնօրինելու մեղադրանքով։ Բրատչերի համար 20 000 դոլար գրավ է սահմանվել: Դատավորը մերժել է կնոջ գրավը նվազեցնելու փաստաբանի միջնորդությունը։

Նախկինում կինը դատապարտված է եղել փաստաթղթեր կեղծելու համար։ Քննիչները փորձում են պարզել՝ արդյո՞ք ամբաստանյալն օգտվել է մոր սոցիալական նպաստից։