Տպել
Լոնդոնում կկառուցվի Մեծ Բրիտանիայում առաջին տունը, որտեղ կապրեն միայն կանայք։ Դա կլինի 15 հարկանի շենք՝ 102 բնակարանով, նրանց համար, ովքեր բախվել են ընտանեկան բռնության, խտրականության եւ նյութական խնդիրների, գրում է The Guardian-ը:
Սենյակները նախագծված են այնպես, որ դրանք հարմարավետ լինեն ցանկացած տարիքի եւ կարիքների կանանց համար: Օրինակ, խոհանոցը կունենա ավելի ցածր աշխատանքային մակերեսներ, ինչպես նաեւ նախատեսված է հզոր օդափոխություն՝ հատուկ դաշտանադադարի շրջանում կանանց համար։
Տղամարդիկ կարող են տանը ապրել միայն այն դեպքում, եթե նրանք դառնան վարձակալների զուգընկերներ։ Նաեւ վարձակալությունը կկարողանան ժառանգել կանանց չափահաս որդիները։
Պիլոտային նախագիծը պետք է լուծի բրիտանական մայրաքաղաքում չափազանց թանկ բնակարանների խնդիրը. կանայք հաճախ չեն կարողանում իրենց թույլ տալ առանձին բնակարան՝ գենդերային խտարականության պատճառով։
news.am
