ՖԻԴԵ-ի Գրան Պրի. Արոնյանի երրորդ անընդմեջ ոչ-ոքին արագ ստացվեց

Շարժայում ընթացող շախմատի «Գրան Պրի» մրցաշարի երրորդ տուրում Հայաստանի հավաքականի առաջին համար Լևոն Արոնյանը սևերով ոչ-ոքի է խաղացել ռուսաստանցի Ալեքսանդր Գրիշչուկի հետ:

Պարտիան ավարտվել է 20-րդ քայլում:

Տուրի մյուս պարտիաներում նույնպես գրանցվել է խաղաղ ելք, միայն ամերիկացի Հիկարու Նակամուրային է հաջողվել հաղթել Ռիչարդ Ռապորտին:

Այս տուրից հետո միանձնյա առաջատարն է ֆրանսիացի Մաքսիմ Վաշյե-Լագրավը` 2.5 միավոր: Ադրբեջանցի Շաքրիյար Մամեդյարովը, անգլիացի Մայքլ Ադամսը և ամերիկացի Հիկարու Նակամուրան ունեն երկուական միավոր:

armsport.am