Վլադիմիր Գասպարյանի հրամանով աշխատանքից ազատվել է Երևանի ՄՌՈւ-ի պետը. shamshyan.com

shamshyan.com-ի տեղեկություններով՝ ՀՀ ոստիկանության պետ, ոստիկանության գեներալ-գնդապետ Վլադիմիր Գասպարյանը հրամաններ է ստորագրել: Ինչպես հայտնում է ֆոտոլրագրող Գագիկ Շամշյանը, Վ. Գասպարյանի հրամանով՝ Գագիկ Չիբուխչյանը ազատվել է ճանապարհային ոստիկանության Երևան քաղաքի հաշվառման քննական բաժնի պետի պաշտոնից: ՀՀ ոստիկանապետի մեկ այլ հրամանով՝ Կարեն Մարտիրոսյանը ազատվել է Արագածոտնի մարզի հաշվառման քննական բաժնի պետի տեղակալի պաշտոնից և նշանակվել ՃՈ Երևան քաղաքի հաշվառման քննական բաժնի պետ: