Տպել
Հայկական էստրադայի ամենահզոր ձայներից մեկը՝ Սոնա Շահգելդյանը, տարիներ շարունակ ոչ միայն իր երաժշտությամբ, այլև անկեղծությամբ ու անմիջականությամբ է եղել հանրության ուշադրության կենտրոնում։
Հզոր վոկալ, յուրահատուկ կատարողական ոճ և բեմական մեծ փորձ․ այս հատկանիշներն են Սոնա Շահգելդյանին առանձնացրել հայկական երգարվեստում։ Միջազգային հեղինակավոր մրցույթներում ունեցած հաջողություններով նա կարողացել է հայկական երաժշտությունը ներկայացնել նաև երկրի սահմաններից դուրս՝ դառնալով ժամանակակից հայկական էստրադայի ամենաճանաչված անուններից մեկը։
Սակայն երգչուհու ստեղծագործական ուղուց բացի, տարիներ շարունակ հանրության հետաքրքրության կենտրոնում է եղել նաև նրա անձնական կյանքը։
2025 թվականի նոյեմբերի 30-ին 168 TV-ի «Ռանդևու» հաղորդման շրջանակներում հյուրընկալված պայծառատես Անի Գրիգորյանը հաղորդավարի խնդրանքով անդրադարձել էր հայկական շոու-բիզնեսի մի շարք հայտնի դեմքերի կյանքին։
Սոնա Շահգելդյանի մասին խոսելիս Անի Գրիգորյանը նշել էր, որ չի տեսնում երգչուհու կողքին ամուսնու ներկայություն և ասել էր, որ Սոնան ամուսնալուծված է։
Այդ հայտարարությունը մեծ արձագանք էր ստացել։ Սոնա Շահգելդյանը, սակայն, սոցիալական ցանցերի իր էջերում արձագանքել էր, հերքել այդ տեղեկությունը և պահանջել հեռացնել այդ հատվածը հաղորդումից։
Բայց ամիսներ անց իրավիճակը փոխվեց։
Արդեն այս տարի ARTN TV-ի «Սրտի տանիքներով» հաղորդման ընթացքում Սոնա Շահգելդյանն առաջին անգամ հրապարակային հաստատեց, որ իրականում արդեն տևական ժամանակ է՝ ամուսնալուծված է։
Այսպիսով, այն թեման, որը ամիսներ շարունակ քննարկվում էր հանրության շրջանում, ստացավ նոր զարգացում՝ հենց երգչուհու անկեղծ խոստովանությամբ։
Նշենք, որ Անի Գրիգորյանը վերջին տարիներին դարձել է ամենաքննարկվող պայծառատեսներից մեկը։ Նրա մասնակցությամբ հաղորդումները հաճախ մեծ հետաքրքրություն են առաջացնում, իսկ նրա հնչեցրած հայտարարությունները՝ լայն արձագանք ստանում հանրության շրջանում։
Սոնա Շահգելդյանի պատմությունը ևս մեկ անգամ ցույց տվեց՝ հայտնի մարդկանց անձնական կյանքին վերաբերող թեմաները հաճախ կարող են ամիսներ անց նոր բացահայտումներով վերադառնալ հանրային քննարկման դաշտ։
