Տպել
Ուկրաինայի փոխվարչապետ Վյաչեսլավ Կիրիլենկոն հայտնել է, որ վաճառվել է «Եվրատեսիլ» մրցույթի ավելի քան 27 հազար տոմս։ Դրանց կեսը գնել են ուկրաինացիներ։ Արտասահմանցի գնորդների մեջ մեծ թիվ են կազմում գերմանացիներն ու բրիտանացիները, տեղեկացնում է gazeta.ru-ն։
«Մենք մինչև 20 հազար արտասահմանցի հյուրի ենք սպասում։ Ամեն ինչ ընթանում է պլանի համաձայն։ Մենք ամեն բան կանցկացնենք բարձր որակով»,- ասել է Կիրիլենկոն։
Նա հիշեցրել է, որ ապրիլի 10-ից կմեկնարկի եզրափակչի և կիսաեզրափակչի տոմսերի վաճառքը։ Դրանք ամենաթանկ տոմսերն են՝ 70 հազար հատ։
Մրցույթի կիսաեզրափակիչը տեղի կունենա մայիսի 9-ին և 11-ին, եզրափակիչը՝ մայիսի 13-ին։
