Տպել
Ամբողջ աշխարհում տեսարժան վայրերը Մեծ Բրիտանիայի դրոշի գույներով են լուսավորել Մանչեսթրի ահաբեկչության զոհերի հիշատակին, որը տեղի ունեցավ նախօրյակին երեկոյան «Մանչեսթր Արենա» համերգային համալիրում:
Gulf News հրատարակության տվյալներով՝ Արաբական Միացյալ Էմիրություններում ավելի քան 800 մետր բարձրությամբ Բուրջ Խաիլֆա երկնաքերն ամբողջովին լուսավորել են Բրիտանիայի դրոշի գույներով:
Ինչպես հաղորդել է Telegraph թերթը, Հյուսիսային Իռլանդիայի մայրաքաղ Բելֆաստում բրիտանական դրոշի գույներով է լուսավորվել քաղաքապետարանի շենքը:
Ժնևում ահաբեկչական գործողության զոհերի հիշատակը հարգելու համար Ժե Դո շատրվանը լուսավորվել է կարմիր, կապույտ և սպիտակ գույներով:
Չեխիայում երեկոյան համապատասխան գույներ է ստացել Պետրշինյան աշտարակը:
Manchester Evening News թերթի տվյալներով՝ Բեռլինում զոհերի հիշատակը հարգելու համար ընտրել են պատմական վայր՝ Բրանդենբուրգյան դարպասները:
Հոնկոնգում HSBC բանկի շենքի վրա լուսավորվել է «Մենք Միացյալ Թագավորության հետ ենք» համերաշխության ուղերձը:
Փարիզի գլխավոր տեսարժան վայրերից մեկը՝ Էյֆելյան աշտարակը, կեսգիշերին (Երևանի ժամանակով 02:00-ին) հանգցրել է իր լույսերն ահաբեկչական գործողության զոհերի հիշատակին:
Մեկ ժամով մարել են նաև Իտալիայի մայրաքաղաքի գլխավոր խորհրդանիշերի՝ Կոլիզեյի և Տրևի շատրվանի լույսերը: Դրանց հետ մեկտեղ մարել են նաև Կապիտոլիումի վրա Սենատորների պալատի ճակատի լույսերը, որտեղ գտնվում է քաղաքապետարանը, հաղորդել է ՌԻԱ Նովոստին:
