Տպել
Յոթ մարդ է զոհվել Իրանի խորհրդարանում տեղի ունեցած հրաձգության հետևանքով, ևս չորսը պատանդ են պահվում: Այդ մասին տեղեկացնում է Tasnim գործակալությունը Twitter-ի իր էջում:
Ինչպես նշում է գործակալությունը, պաշտոնպես զոհվածների թիվը դեռևս հաստատված չէ:
Tasnim-ը նաև նշում է, որ Իրանի խորհրդարանի վրա հարձակվածներից մեկը շարունակում է կրակել հարակից փողոցում: Նրան հաջողվել է դուրս գալ Մեջլիսի շենքից:
Ավելի վաղ հաղորդվել է, որ տեղական ժամանակով ժամը 10:30-ին Իրանի խորհրդարանի շենք են ներխուժել չորս զինյալներ, որոնք կրակ են բացել պահապանների վրա: Վիրավորվել է առնվազն ութ մարդ, զոհվել է պահպանության աշխատակիցներից մեկը: Խորհրդարանի պատգամավորները չեն տուժել: Անհայտ ահաբեկիչները համանման գործողություն են ձեռնարկել իմամ Խոմեյնիի դամբարանում, որը գտնվում է Թեհրանից 40 կիլոմետր հարավ ընկած շրջանում: Ստացվող հաղորդումների համաձայն, դամբարան է ներխուժել «Կալաշնիկով» ինքնաձիգով զինված առնվազն մեկ մարդ: Նա անկանոն կրակ է բացել, իսկ այնուհետև գործի դրել պայթուցիկ սարք, հաղորդել է ՏԱՍՍ-ը:
