Տպել
Շուրջ վեց տարվա դադարից հետո Լիանան նոր երգի տեսահոլովակ է ներկայացրել, որը կարող եք դիտել այստեղ: Հարսանեկան թեմայով երգերին ավելացել է ևս մեկը՝ «Շնորհավոր լինի»-ն: Ինչպես երգչուհին է BRAVO.am-ի հետ զրույցում նշել, այն նվիրված է վերջերս ամուսնացած մի զույգի։
Իր վերադարձի տեսահոլովակի համար Լիանան երկար է նախապատրաստվել՝ փոխել է ոճն ու նիհարել է։ Ռեժիսորն Արեն Բայադյանն է, օպերատորը՝ Արտյոմ Աբովյանը, իսկ զգեստների դիզայները Միկա Դանիելյանն է. «Երգը նվիրված է մի աղջկա, որի հարսանիքին այն կատարել եմ։ Որոշված էր, որ տեսահոլովակ կլինի, բայց իրական հարսի ու փեսայի փոխարեն դերասաններ են նկարվել։ Հարսանեկան թեմայով երգերը շատ են, բայց հարսին զգեստը հագցնելու ավանդույթի մասին երգերը շատ չեն։ Մեր նպատակն է՝ երգն այնքան սիրվի, որ հիթ դառնա։ Շատ կցանկանամ, որ հարսանիքներին երգեն»։
Երգչուհու խոսքով՝ երաժշտական դադարի հիմնական պատճառը երեխան էր: Նրա տղան դարձել է 5,5 տարեկան. «Շատ ակտիվ երեխա է, մանկապարտեզ է հաճախում։ Կենտրոնացել էի որդուս խնամքի վրա, բեմ վերադարձս անընդհատ հետաձգում էի»։
Ամբողջությամբ՝ bravo.am
