Դիեգո Կոստան պաշտոնապես վերադարձավ Աթլետիկո

Հարձակվող Դիեգո Կոստան ավարտել է իր տեղափոխությունը «Չելսիից» «Աթլետիկո»:

Ինչպես տեղեկացնում է մադրիդյան ակումբի պաշտոնական կայքը, հարձակվողը բարեհաջող բուժզննում է անցել:

Կոստան իսպանական ակումբում հանդես է գալու 18 համարի խաղաշապիկով:

28-ամյա ֆուտբոլիստը վաղվանից կմիանա թիմի մարզումներին, սակայն խաղալ կարող է միայն մրցաշրջանի երկրորդ հատվածում:

«Աթլետիկոն» պատժված է ՖԻՖԱ-ի կողմից և չի կարող մինչև գալիք տարվա հունվար գրանցել նոր ֆուտբոլիստների:

«Ուրախ եմ, որ վերադարձել եմ: «Աթլետիկոն» իմ տունն է: Անչափ երջանիկ եմ»,- ասել է Կոստան:

armsport.am