Տպել
Հուլիսի 7-ին պետք է տեղի ունենար «Դոմ 2» նախագծի աստղեր Վիկտորիա Ռոմանեցի և Անտոն Գուսևի հարսանիքը: Վիկտորիան նախկինում պատմել էր 12 հազար դոլար արժողությամբ հարսանյաց զգեստի մասին, որը նա պատվիրել էր Հայկ Ավանեսյանին:
Մինչդեռ հանդիսավոր իադարձությունից 2 շաբաթ առաջ Անտոնի և Վիկտորիայի միջև բուռն վեճ էր եղել, և, թվում էր, հարսանիքը չի կայանա, սակայն սիրահարված զույգն, այնուամենայնիվ, այն անցկացրել է Մալդիվներում:
NEWS.am STYLE-ի հետ զրույցում Վիկտորիան պատմեց հարսանիքի և այն մասին, թե ինչու է զգեստը հենց տաղանդավոր հայ դիզայներին պատվիրել:
Վիկտորիա, ինչո՞ւ հենց Հայկ Ավանեսյանին պատվիրեցիր քո զգեստը:
Որովհետև իմ ճանապարհին ես արդեն մեծ թվով չակերտավոր դիզայներների եմ հանդիպել, որոնցից միայն դիզայներ բառն է մնում: Իրականում ընտրել եմ որակի, Հայկի որակի համար: Գիտեմ, որ Հայկը փող չի խնայում շքեղ գործվածքի համար: Նրա գործվածքները տարածված չեն, սա էքսկլյուզիվ է: Յուրաքանչյուր մոդելը էքսկլյուզիվ է, սակայն հաճախորդին է հարմարեցվում: Ես Հայկի մոտ զգեստ ընտրեցի, որովհետև մենք միասին գեղեցիկ ուսակապեր, քող հավելեցինք, որոնք չկային: Այսինքն՝ նա պատրաստ է յուրաքանչյուր մոդելի վրա աշխատել և հարմարվել հաճախորդի ցանկությանը: Ինձ սա անչափ ուրախացնում է, սա հրաշալի է: Ինձ դուր է գալիս, որ Հայկը չի պատճենում, կարծրատիպով չի աշխատում: Այսինքն՝ սա էքսկլյուզիվ է և որակով: Սա՝ առաջին հերթին։
Երկրորդ՝ որովհետև Հայկը շատ լավ երաշխավորներ ունի: Նրա զգետսները հագնում են մեդիայի ոլորտի մարդիկ։ Եվ նրանք, հասկանալի է, գնահատում են որակը և ցանկանում են, որ իրենք առանձնանան: Իսկ նրա զգեստները հենց այդպիսին են, դրանցում բազմությունից առանձնանում ես: Նա անչափ կրեատիվ մոտեցում, մտածողություն և դիզայն ունի: Հայկը ոչ թե քանակի, այլ որակի վրա է աշխատում: Հիմա դիզայներները քանակի վրա են աշխատում, չնայած չեմ հասկանում՝ ինչո՞ւ:
Դե, ի վերջո, Հայկին ընտրեցի, որովհետև նա Դոնեցկից է, ես էլ եմ Դոնեցկից: Այստեղ նաև վստահելի հարաբերություններ կան: Ես գիտեմ, որ ոչ մի ֆորս մաժոր չի լինի, ամենապատասխանատու օրը չէի ցանկանա, որ նման բան պատահեր:
Վիկտորիա, այնուամենայնիվ, ի՞նչ պատահեց հարսանիքին:
Մենք պարզապես շապիկներով ու ջինսերով գրանցվեցինք, ըստ էության, ինչպես այն երգիչ Մոտայի դեպքում… Հիմա շատերն են այդպես անում: Մենք որոշեցինք չանհանգստանալ… Մենք թռանք Մալդիվներ: Ձեռքի առանձին ուղեբեռով ես վերցրեցի իմ շքեղ հարսանեկան զգեստը՝ վարդագույն ֆլամինգոյի հետ: Շքեղ ֆոտոշարք արեցինք: Զգեստը հարմար է ինչպես երեկոյան միջոցառումների, այնպես էլ որևէ թեժ նկարահանման համար:
Ես ոչ մի դիսկոմֆորտ չեմ զգացել։ Ինձ թվում է, որ պետք է հրաժարվել կարծրատիպից և շատ մոտենալ ստեղծարարությանն ու անհատականությանը։
Իսկ Հայկի զգեստներն հենց այդպիսին են։ Մեր լուսանկարները տեղադրեցին, հարցրեցին, թե կարող են արդյոք օգտագործել դրանք։ Այսինքն՝ շատ դուր եկան լուսանկարչին, նա ուզում էր, որ մենք նրա դեմքը ներկայացնենք հյուրանոցում։
Երբ մտնում ես այդ սենյակներ, ամեն բան լուսանկարներով է ծածկված։ Սա անխոս հաճելի էր։ Բոլոր պարբերականները տարածեցին լուսանկարները, բոլոր խմբերը։ Ես բազմաթիվ մեկնաբանություններ եմ տեսել, որ զգեստս շքեղ է։ Ոչ մի մարդ չի գրել, թե այն հասարակ է, պետք էր ուրիշ բան հագնել։ Նման բան չկա, ինչը ես նկատել էի ուրիշ աղջիկների մոտ, որոնք ամուսնանում են։ Այսինքն՝ բոլորի համար դա «վաու» էր։ Եվ հենց դրա վրա էր արվել շեշտադրումը՝ զգեստի վրա, ոչ թե շպարի, սանրվածքի կամ ծաղկեփնջի, այլ զգեստի։ Մի խոսքով՝ զգեստն ամուսնացավ։
Ի դեպ, նշենք, որ «Դոմ 2» ամսագրի նոր համարի շապիկին Վիկտորիան է՝ հարսանեկան զգեստով։
style.news.am
