Տպել
Առավոտից լարված իրավիճակ է Ջավախքի հայաբնակ Գումբուրդո բնակավայրում: Այս մասին հայտնում է Jnews.ge կայքը:
Բնակիչները փորձում են խաչքար տեղադրել տեղի 10-րդ դարի եկեղեցու բակում, բայց իշխանությունները թույլ չեն տալիս: Առավոտյան բախում է տեղի ունեցել ոստիկանների և գյուղացիների միջև:
Բնակավայր է բերվել նաև Վրաստանի ոստիկանության հատուկ նշանակության գումարտակը:
Ըստ կայքի` բանակցություններ են ընթանում բնակիչների և ոստիկանների միջև: Ջավախահայերը ոստիկաններին հիշեցնում են, որ հայերն ու վրացիները բարեկամներ են:
Գյուղացիները սպասում են, որ միջադեպի կապակցությամբ գյուղ կժամանի Վրաստանի ներքին գործերի նախարար Գեորգի Մգեբրիշվիլին:
