Տպել
Google-ը ներկայացրել է իր նոր սմարթֆոնները՝ Android 8.0 Oreo օպերացիոն համակարգով: Ընկերության նոր սմարթֆոնները գալիս են լուծելու լավ որակի տեսախցիկի, լավ մարտկոցի և որակյալ օպերացիոն համակարգի համատեղելիության խնդիրները:
Նոր սմարթֆոններն ունեն Always-on-Display գործառույթը, ինչը թույլ կտա տեսենել ծանոցումներն անջատված դիսփլեյի վրա՝ սև ֆոնով: Սմարթֆոնները չունեն ականջակալների միացման ստանդարտ անցքերը, բայց ունեն հեռախոսը ջրից պաշտպանելու ֆունկցիա:
Pixel 2
Այս սմարթֆոնը շատ նման է իր առաջին տարբերակին՝ 5 դյույմանոց դիսփլեյ, ապակյա ներդիրով կորպուս, մատնահետքի սկաներ:
Իր նախորդ տարբերակից Pixel 2-ն առանձնանում է միայն որոշ դետալներով: Նոր սմարթֆոնում առկա են գունային նոր ֆոներ:
Pixel 2-ը չունի աչքի ընկնող առանձնահատկություններ: Սմարթֆոնի վրա անգամ չկա կրկնակի տեսախցիկ:
Սակայն նոր սմարթֆոնի տեսախցիը լավագույնն է: DxOMark-ի վարկածով՝ այն ստացել է 98 միավոր: iPhone 8 Plus Galaxy Note 8 սմարթֆոններն ունեն 94 միավոր:
Բնութագրիչներ
- Դիսփլեյ- 5 դյույմ, Full HD, OLED;
- Պրոցեսոր-Snapdragon 835;
- Տեսախցիկ-12 Մպ՝ հիմնական, 12 ՄՊ՝ դիմացի
- Օպերացիոն հիշողություն-4 ԳԲ
- Օպերացիոն համակարգ-Android 8.0 Oreo.
Pixel 2 XL
Ընկերության ներկայացրած մյուս սմարթֆոնն ունի մի շարք տարբերություններ, որոնք, սակայն, վերաբերում են միայն արտաքին տեսքին: Սմարթֆոնի դիմացի հատվածն ունի շատ քիչ կաղապարներ, կորպուսն այլ գույնի է, տեսախցիկը ներդրված է այլ կերպով:
Բնութագրիչներ
- Դիսփլեյ- 6 դյույմ, Full HD, OLED;
- Պրոցեսոր-Snapdragon 835;
- Տեսախցիկ-12 Մպ՝ հիմնական, 12 ՄՊ՝ դիմացի
- Օպերացիոն հիշողություն-4 ԳԲ
- Օպերացիոն համակարգ-Android 8.0 Oreo.
Սիրարփի Աղաբաբյան
