Մաքսիմ Մանուկյանը սպորտի վաստակավոր վարպետի կոչում է ստացել

Հունահռոմեական ըմբշամարտի աշխարհի չեմպիոն Մաքսիմ Մանուկյանը, նավամոդելային սպորտի աշխարհի, Եվրոպայի կրկնակի չեմպիոն և ռեկորդակիր Բաբկեն Շահազիզյանը և սամբոյի Եվրոպայի եռակի չեմպիոն, աշխարհի բազմակի արծաթե և բրոնզե մեդալակիր Տիգրան Կիրակոսյանը սպորտի վաստակավոր վարպետի կոչում են ստացել։

Այս մասին հայտնում է ՀԱՕԿ-ի պաշտոնական կայքը:

Մարզիկներին պարգևատրել է ՀՀ սպորտի և երիտասարդության հարցերի նախարար, ՀԱՕԿ գլխավոր քարտուղար Հրաչյա Ռոստոմյանը։

Հրաչյա Ռոստոմյանը ևս մեկ անգամ շնորհավորել է մարզիկներին՝ բարձր գնահատելով նրանց գրանցած արդյունքները։

armsport.am