Թանկացել են միայն Դավթաշենի բնակարանները. անշարժ գույքի գները Երևանում

2017 թվականի օգոստոսին՝ հուլիսի համեմատ, մայրաքաղաքում թանկացել են միայն Դավթաշեն վարչական շրջանում գտնվող բազմաբնակարան շենքերի բնակարանները։

ՀՀ Ազգային վիճակագրական ծառայության տվյալներով՝ 1քմ-ի միջին գինը Դավթաշենում օգոստոսին կազմել է 251 500 դրամ՝ 1 500 դրամով ավելի, քան հուլիսին։

Երևանի 11 վարչական շրջաններից (Նորք Մարաշը չի ներկայացվում) 6-ում բնակարանների գները չեն փոխվել, իսկ 4-ում (Քանաքեռ-Զեյթուն, Նոր-Նորք, Ավան, Էրեբունի)` նվազել են։

2017 թվականի օգոստոսի դրությամբ ամենաթանկը շարունակում են մնալ Կենտրոնի բնակարանները (1 քմ-ի միջին գինը՝ 452 800 դրամ), որին հաջորդում են Արաբկիրը (342 500 դրամ) և Քանաքեռ-Զեյթունը (266 500 դրամ)։