Տպել
Bravo.am-ը գրում է.
Արամ MP3-ը երկրորդ անգամ հայր է դարձել։ Այսօր առավոտյան Երևանի ծննդատներից մեկում լույս աշխարհ է եկել երգիչ-դերասանի երկրորդ որդին։
Արամ MP3-ի կինն ու նորածին որդին
Քիչ առաջ BRAVO.am-ի հետ զրույցում երջանիկ հայրիկը հայտնեց, որ արդեն տեսել է նորածին որդուն, իսկ կինն իրեն լավ է զգում է, ծննդաբերությունը բարեհաջող է անցել. «Մեծ տղաս՝ Առնոն, դեռ չի տեսել, իրեն չի կարելի վերև բարձրանալ։ Նկարներով ցույց տվեցի, սպասում էր այս պահին։ Մեծ եղբայր դառնալու համար ուրախ է, բայց ինչպես ցանկացած երեխայի, իր համար էլ մի փոքր անսովոր է: Հենց հիմա Առնոյին տանում ենք լավ տեղեր ման տալու, որ տրամադրությունը բարձր լինի:)»։
Խոսելով իր զգացողությունների մասին՝ երգիչը նշեց, որ 6 տարի առաջ ավագ որդու ծննդի ժամանակ լավ չէր գիտակցում իր շուրջը կատարվողը, այժմ ավելի փորձառու է։ Երեխայի անվան ընտրության հարցում դեռ չեն կողմնորոշվել. «Ինչպես Առնոյի դեպքում դեմքին նայեցինք ու որոշեցինք անունը, այսօր էլ կնայենք մեր տղային ու մամայի հետ կքննարկենք, թե որ անունն ընտրենք»։
Արամ MP3-ի կինը
Ի դեպ, Աննան ինսթագրամյան էջում արդեն տեղադրել նորածին որդու և իր առաջին հանդիպման լուսանկարը։ Երեկոյան Արամը հարազատների ու մտերիմ ընկերների հետ կնշի իրադարձային օրը.«Այսօր անելիքներս այնքան շատ են, վերջացնեմ, գիշերը կհանդիպենք ու կնշենք մեր ընտանեկան առիթը»։
