Տպել
ՀՀ վաստակավոր արտիստ, երգիչ Արամեն այսօր նշում է ծննդյան 35-ամյակը, սակայն նա ստիպած է տոնական օրն անցկացնել ընտանիքից հեռու, քանի որ այս շրջանում հյուրախաղերով գտնվում է ՌԴ-ում:
Life.panorama.am-ը զրուցել է երգչի կնոջ՝ Աննայի հետ, ու պարզել, որ ինքն ու դուստրը՝ Աննա Մարիան առանց հայրիկի պատրաստվում են նշել նրա տարեդարձը:
«Արամեն երեկ Անապայում էր, կեսգիշերին նա բեմում էր ու մենք չկարողացանք այդ պահին նրան շնորհավորել: Ստիպված եղա 40 րոպե անց միայն նրա հետ կապ հաստատել ու անակնկալս նրան մատուցել: Մենք մեր ընկերներով ու հարազատներով հավաքվել էինք մեր տանը, երբ զանգեցի նրան, սկզբում կադրում միայն ես էի, բայց հետո անակնկալի բերելով՝ շրջվեցի դեպի մեր հյուրերն ու բոլորս միասին երգելով շնորհավորեցինք նրա տարեդարձը: Բնականաբար, Արամեն անակնկալի եկավ և շատ ուրախացավ,- պատմեց Աննան ու ժպիտով շարունակեց.
«Ի դեպ՝ այսօր ևս առանց նրա մենք կնշենք Արամեի 35-ամյակը: Քանի որ այսօր նաև մեր ակումբի տարեդարձն է, որոշել ենք բոլորով հավաքվել այնտեղ ու մի լավ ուրախանալ, դե իսկ վաղը Արամեն Հայաստանում կլինի ու մենք արդեն նրա հետ կշարունակենք նշել բոլորիս համար այդքան կարևոր առիթը»:
Աննան ու աղջիկը որոշել են հայրիկի անակնկալները այսքանով չեզրափակել.
«Իհարկե, մենք փոքր-ինչ սրտնեղում ենք, որ ստիպվаծ ենք այսօր իրարից հեռու լինել, բայց արտիստի կյանքն է այդպիսին, որը ես գիտակցում եմ: Ես ու աղջիկս որոշել ենք մեր հայրիկին հետաքրքիր նվերներ գնել: Այսօր երկուսով կզբաղվենք այդ հարցով, որպեսզի, երբ Արամեն վերադառնա, ամեն ինչ պատրաստ լինի»,- ժպիտով հավելեց Աննան:
Արամեն և Աննան հայկական շոու բիզնեսի ամենասիրառատ զույգերից են: Նրանք չեն դադարում սիրո խոստովանություն անել միմյանց, այս անգամ էլ Աննան առիթը բաց չթողեց և մեր միջոցով շնորհավորեց և կրկին իր սիրո մասին խոստովանեց Արամեին.
«Ես ու մեր աղջիկը շնորհավորում ենք պապայի ծննդյան օրը: Մենք նրան շատ ենք սիրում: Արամեն հրաշք ամուսին ու կրկնակի հրաշք հայրիկ է: Մենք ուզում ենք, որպեսզի նա ամենակարևորը միշտ առողջ ու մեր կողքին լինի, քանի որ, երբ նա մեր կողքին է, մենք լիարժեք ենք ու միշտ ժպտում ենք»:
