Տպել
Երևանի ավագանու արտահերթ նիստն այսօր՝ հոկտեմբերի 11-ին, Երևան քաղաքի 2799-րդ տարեդարձի առթիվ ավագանու որոշմամբ՝ բնակարաններ տրամադրվեցին մշակույթի մի շարք գործիչների: «Երկիր Ծիրանի» խմբակցության անդամ Մարինա Խաչատրյանը հետաքրքրվեց, թե ինչ սկզբունքով են ընտրվել այս գործիչները, որոնց պետք է բնակարաններ տրամադրվեն։
«Այսօր Երևանի քաղաքապետարանը, Կառավարությունը և մեր խմբակցությունը բազմաթիվ դիմումներ են ստանում անտուն մարդկանցից, մարդիկ բողոքում են, որ ստիպված են փտած, ժեշտից պատրաստված տնակներում իրենց երեխաներին մեծացնել, որ այդ երեխաները սոված են գնում քնելու: Մի՞թե չէր կարելի նրանց տոն պարգևել: Եվ Ռուբեն Մաթևոսյանը, և մյուսները վերջին աղքատները չեն, և նրանք կարող էին իրենց աշխատանքի շնորհիվ վաստակել գումար»,- ասաց նա:
Երևանի քաղաքապետ Տարոն Մարգարյանը զգուշացրեց, որ նրա ժամանակը սպառվել է. «Հազիվ ամբիոն են տեսել է, խոսելու հնարավորություն ունեն»:
«Երկիր Ծիրանի»-ի մեկ այլ անդամ՝ Սոնա Աղեկյանն էլ հարց բարձրացրեց, թե ինչու մշակույթի գործիչների փոխարեն բնակարաններ չեն տալիս զոհված կամ հաշմանդամություն ունեցող զինծառայողներին։
Երևանի փոխքաղաքապետ Կամո Արեյանին զայրացրել էր «Երկիր ծիրանի» խմբակցության վարքագիծը. «Եթե ձեր հոգում ձեր կյանքը քանդվում է, եթե որոշել եք մեր կյանքը դժոխք դարձնել, ես համոզված եմ, տհասության վկայականով աստված ձեզ դարձրել է դժոխքի բաժին, մենք ձեզ դրախտ բերողը չենք և ռեխներդ բացելուց առաջ քաղաքապետի անձի և մեր աշխատանքի առջև հաշիվ տվեք ձեզ, որ կզրկվեք նաև մի կտոր դրախտի այս բաժնից էլ»,- նշեց Կամո Արեյանը:
