Իսկո. Ոսկե գնդակը պետք է նվաճի Ռոնալդուն, ես այդ մասին չեմ մտածում

Մադրիդի «Ռեալի» կիսապաշտպան Իսկոն հայտարարել է, որ երբեք չի մտածել «Ոսկե գնդակի» մասին:

Ըստ իսպանացու` «Ոսկե գնդակի» հավակնորդը բոլորին հայտնի է:

«Ես չեմ մտածում այդ մրցանակի մասին: Շատ դժվար է նվաճել այդ մրցանակը: Ես ապրում եմ ներկայով: Վաղ թե ուշ «Ոսկե գնդակը» պետք է ստանա Ռոնալդուն:

Հավակնորդների եռյակում հրաշալի ֆուտբոլիստներ են: Հարթակի վրա կարող են հայտնվել Ռամոսը և Մոդրիչը` շնորհիվ «Ռեալի» փայլուն անցկացրած մրցաշրջանի: Այնտեղ հայտնվելը պարզապես երազանք է»,- Իսկոյի խոսքն է մեջբերում «AS»-ը:

Հիշեցնենք, որ «Ոսկե գնդակի» համար պայքարում նախնական հավակնորդների թիվը 30-ն էր, որից 7-ը` «Ռեալի» ֆուտբոլիստներ:

armsport.am