Տպել
Վրաստանի գունեղ ու շքեղ, կերպարային մայրաքաղաքի նորաթուխ քաղաքապետին մի քանի օրում հասցրել են քննարկել նաև Վրաստանի սահմաններից դուրս:
Մի քանի հայտնի լրատվական կայքեր հատուկ անդրադարձներ են կատարում Թբիլիսիի նորանշանակ քաղաքապետին, բայց ոչ թե քաղաքական ինչ-որ ծրագրերի կամ հայացքների, այլ գերազանց ընտրված հագուկապի, նրբաճաշակ ոճի պատճառով:
Կալաձեն հոկտեմբերի 22-ին ընտրվեց Թբիլիսիի քաղաքապետ, մինչ այդ զբաղեցնում էր Վրաստանի էներգետիկայի նախարարի պաշտոնը, իսկ նախքան քաղաքական դաշտում հայտնվելը, նա պահանջված ֆուտբոլիստ էր, «Միլան»-ի պաշտպաններից:
GQ Տղամարդկանց ամսագիրը ներկայացնում է Կախա Կալաձեին այլ տեսանկյունից, քաղաքական դաշտից այն կողմ` նշելով. «Բավական է թերթել Կախա Կալաձեի ինստագրամի էջն ու ամեն բան պարզ կլինի: Նա չի վախենում ծայրահեղ լուծումներից, չի խուսափում խառը ոճերի համադրություններից:
Ասում են` Կալաձեին նման տարբերվող ոճի ընտրության հարցում օգնում է կինը` դիզայներ Անուկի Արեշիձեն»:
