Տպել
Լրագրող, ռեժիսոր, երգչուհի, երգերի հեղինակ, իրավաբանական գրասենյակի ղեկավար: Այս ամենը Եկատերինա Գորդոնի մասին է, ով ևս հավակնում է դառնալ Ռուսաստանի նախագահ։
Նշենք, որ մինչ այս իր թեկնածությունն առաջադրելու ցանկություն էր հայտնել հաղորդավարուհի Քսենիա Սոբչակը։
«Гордон за баб». նման խոսուն կայք է հիմնել Եկատերինան։ Իր քաղաքականությունը նա մտադիր է կառուցել կանանց և երեխաների իրավունքների պաշտպանության շուրջ։ «Իմ քաղաքականությունն ուղղված չէ ամուսինների դեմ, պարզապես դա վիճակագրություն է»,- հայտարարել է Գորդոնը։
Նկատենք, որ Գորդոնն ու Սոբչակը բարդ հարաբերություններ ունեն. նրանք վիճել էին ռադիոյի եթերում դեռևս 2008 թվականին, ինչից հետո Գորդոնին վռնդել էին աշխատանքից։
