Տպել
UFC-ի չեմպիոն Կոնոր Մաքգրեգորը հայտնել է, որ դեռևս որոշում չի կայացրել այն մասին, թե որտեղ կանցկացնի իր հաջորդ մենամարտը:
Հիշեցնենք` օգոստոսին Կոնորը բռնցքամարտի կանոններով մենամարտ է անցկացրել Ֆլոյդ Մեյվեզերի հետ, որի եկամուտները գերազանցել են 600 մլն եվրոն:
Կոնոր Մաքգրեգորի «McGregor Promotions» ընկերությունը մենամարտի կազմակերպիչներից մեկն էր: Իսկ հիմա Մաքգրեգորը ցանկանում է դառնալ UFC-ի մենամարտերի կազմակերպիչներից մեկը.
«Ինչ կլինի հետագայու՞մ. տեսնենք: Ես մենամարտերի մի քանի առաջարկներ ունեմ. դրանք և՛ UFC-ի մարտեր են, և` բռնցքամարտի մենամարտեր:
UFC-ի հետ նոր պայմանագիր կնքելու համար ես պետք է իսկապես ֆանտաստիկ առաջարկ ստանամ: Հիմա մենք բանակցություններ ենք վարում: Տեսնենք` նրանք ինձ ինչով կգայթակղեն: Ես նոր եմ անցկացրել մենամարտ, որը միլիարդ դոլարների հետ է կապ ունեցել, իհարկե ես միայն շահավետ առաջարկներ եմ ակնկալում:
Ցանկանում եմ հեռարձակումներից ևս իմ մասնաբաժինը ստանալ: Ցանկանում եմ գործընկեր լինել: Ես UFC չեմ վերադառնա պարզապես որպես մարտիկ, ես ցանկանում եմ այս բիզնեսը միասին անել»,- հայտարարել է Մաքգրեգորը:
armsport.am
