Տրատակա՝ աչքերը մաքրելու միջոց

Բոլորս էլ, վաղ թե ուշ, տեսողության հետ կապված խնդիրներ ենք ունենում: Պատճառները շատ են, և յուրաքանչյուր մարդ յուրովի է մոտենում այս խնդրի լուծմանը:  Մեր օրերում տեսողությունը լավացնելու բազմաթիվ միջոցներ են առաջարկվում, ինչպես, օրինակ, հատուկ վարժությունները, մեթոդները:

Ձեզ ենք ներկայացնում մեդիտացիայի հնագույն մեթոդներից մեկը՝ տրատական, որը թարգմանաբար նշանակում է՝ «հստակ, անթարթ հայացք»

Այս մեթոդի ընթացքում կենտրոնանում է ուղեղը, բացահայտվում են նոր հնարավորություններ, զարգանում է կենտրոնանալու կարողությունը: Բացի այդ, այն կարող է ֆիզիկապես ուղղել  աչքերի թերություններն ու վերացնել աչքերի հիվանդությունները:
Տրատակայի միջոցով բուժվում է հեռատեսությունը, կարճատեսությունը, աստիգմատիզմը և շլությունը:  Դեպրեսիան, անքնությունն ու անհանգստությունը նույնպես անմիջապես կվերանան:

Մեթոդի կիրառումը քայլ առ քայլ.

Մութ սենյակում հարմար դիրք ընդունեք:

Աչքերից 30-60սմ հեռավորության վրա ձեր առջև վառվող մոմ դրեք:

Ուղղեք մեջքը, թուլացեք և փակեք աչքերը: Զգացեք միայն ձեր մարմինը:

Հարմար դիրք ընդունելով՝ վարժության ողջ ընթացքում փորձեք չշարժվել:

Երբ պատրաստ լինեք, բացեք աչքերը և կենտրոնացեք կրակի վառ լույսի կետի վրա (պատրույգի (фитиль) ծայրին):

Շարունակեք կենտրոնացած նայել կրակին:

Ամբողջ ձեր գիտակցությունը պետք է կենտրոնանա աչքերում, մինչդեռ մարմնի ընկալումը պետք է անհետանա:

Հայացքը պետք է կենտրոնացնել մեկ կետի վրա՝ այնքան ժամանակ, մինչև աչքերից արցունքներ չգան:

Երբ աչքերը հոգնեն կամ սկսեն արցունքակալել, փակեք աչքերը և թուլացեք:

Մի շարժվեք:

Փակ աչքերում պահեք կրակի պատկերը:

Մեզանից յուրաքանչյուրն արևին կամ վառ լույսին նայելիս՝ փակում է աչքերը և հիշողության մեջ պահպանում դրա հստակ պատկերը: Ճիշտ նույնն էլ տեղի է ունենում այս վարժության ժամանակ:

Կատարեք տրատական նաև մոմի պատկերով՝ այն պահպանելով  հոնքերի արանքում կամ՝ փոքր-ինչ վերև: Հենց պատկերն անհետանա, բացեք ձեր աչքերը և նորից կենտրոնացեք մոմի ճրագի վրա: Մեկ սեանսը պետք է տևի 10-15 րոպե և ավելի:

Տրատական կարող եք կատարել շաբաթը մի քանի անգամ:

Մոմի ճրագի վրա կենտրոնացումը բացարձակ անվնաս է:  Պարզապես պետք է խուսափել վարժության նախնական փուլում աչքերի գերծանրաբեռնվածությունից:

Մոտ 1 ամիս անց կզգաք տարբերությունը՝ տեսողությունը կլավանա և կսրվի:

Նյութը հրապարակման պատրաստեց Լիլիթ Հարությունյանը