Տպել
Ավստրալացի մագնատ Մայքլ Ուրայթի կարողությունը գնահատվում է ավելի քան 1 մլրդ դոլար, 2012 թ. նրա մահից հետո նրա հարստության ժառանգորդներն են մնացել 2 դուստրերն առաջին ամուսնություններից՝ Լեոնի Բալդոքը և Ալեքսանդրա Բերթը, արտամուսնական կապից ծնված աղջիկը՝ Օլիվիա Մեդը: Այս մասին հայտնում է Daily Mail-ը:
Լեոնի Բալդոքը և Ալեքսանդրա Բերթը ստացել են 400-ական մլն դոլար ժառանգություն:
22-ամյա ամենաերիտասարդ ժառանգորդուհի Օլիվիա Մեդը դժգոհ է մնացել իրեն 30 տարեկանից հետո խոստացված 25 մլն դոլարից: Նա փողն անմիջապես է պահանջել: Ի վերջո, մնացել է կոտրած տաշտակի առաջ:
Դատավոր Մայքլ Բուսը, գնահատելով երիտասարդ ժառանգորդուհու պահանջները, դրանք անվանել է «պարզապես հիմար»: Նա վճռել է աղջկան 3 մլն դոլար տալ և այդքանով ավարտել:
Մեդը դատավճիռը բողոքարկել է 2015 թ.՝ 19 տարեկանում: 2017 թ. դատարանը վճռել է նրան վճարել նախկինում նշանակված գումարից երկու անգամ շատ՝ 6 մլն դոլար: Այդպիսով, ժառանգորդուհին կորցրել է 19 մլն դոլար:
