Տպել
Երգչուհի Սոֆի Դանիելյանն արդեն երկար ժամանակ է, ինչ նոր աշխատանքով չի ներկայանում: Պարզվում է՝ երգչուհին ամուսնու հետ մշտական բնակություն հաստատելու նպատակով տեղափոխվել է Դոնի Ռոստով:
Life.panorama.am-ի հետ զրույցում Սոֆին խոսել է Հայաստանից հեռու ապրելու դժվարություների, ինչպես նաև աշխատանքային ծրագրերի մասին:
«Պատճառները շատ են, չեմ ուզում մանրանալ»,- խոսելով էկրանային լռության մասին՝ նշեց երգչուհին:
Սոֆիի և ամուսնու՝ Հայաստանից հեռանալու պատճառը ամուսնու աշխատանքն է եղել:
«Շուտով երեք ամիս կլինի, ինչ ապրում ենք Դոնի Ռոստովում: Այստեղ եկանք, քանի որ ամուսնուս աշխատանքային հրավեր էին արել, բայց ես էլ անգործ չեմ. երգում եմ և, ինչպես միշտ, զբաղվում եմ իմ սիրելի աշխատանքով»,- նկատեց նա
Սոֆի Դանիելյանը վստահեցրեց, որ մեծ դժվարությամբ է դիմակայում կարոտին:
«Շատ եմ կարոտում Հայաստանը, հատկապես Երևանս: Դեռևս դժվարանում եմ ամբողջովին ինտեգրվել նոր բնակավայրին, մտքերս ինձ անընդհատ տանում են Հայաստան: Հատկապես կարոտել եմ քույրերիս, ընկերներիս և գործընկերներիս: Կարոտից ելնելով՝ հաճախ նույնիսկ հուզմունքս հազիվ եմ զսպում: Ի դեպ՝ օգտվելով առիթից, ուզում եմ ողջյուններ ու համբյուրներ ուղարկել բոլորին»,- նշեց նա:
Անդրադառնալով գրեթե երկու տարի առաջ իր անձնական կյանքի հետ կապված թեժ քննարկումներին և հետաքրքրվելով, թե ի՞նչ հարաբերություններ ունեն ինքն ու ամուսինը, պատասխանեց.
«Չար լեզուներ միշտ էլ գտնվում են չարախոսելու համար: Պետք չէ ուշադրություն դարձնել դատարկ և փուչ խոսակցություններին: Միայն կարող եմ ասել, որ մենք երջանիկ ենք միասին և բազում խնդիրներ հաղթահարելով՝ կարողանում ենք երջանկացնել միմյանց»:
