Բալի կղզում տուժած հայաստանցիների ու հայերի մասին տեղեկություններ չկան. armeniasputnik.am

Ինդոնեզիայի Բալի կղզում ակտիվացած Ագունգ հրաբխի տարածքում հայերի ու ՀՀ քաղաքացիների գտնվելու մասին տվյալները ճշտվում են։ Այս մասին Sputnik Արմենիային հայտնեցին ՀՀ ԱԳՆ Մամուլի, տեղեկատվության և հասարակայնության հետ կապի վարչությունից։

ԱԳՆ տվյալներով` Բալիում հայեր բնակվում են, բայց հայտնի չէ, նրանք վտանգավոր տարածքում են, թե ոչ։

Ագունգ հրաբխի ակտիվացման հետևանքով, Ինդոնեզիայի իշխանությունների հայտարարություններով, շուրջ 100 000 մարդ է տարհանվել:

Հրաբխի վտանգի պատճառով փակ է կղզու օդանավակայանը, չեղյալ են հայտարարվել բոլոր թռիչքները։ Վտանգավոր գոտին ընդգրկում է 22 բնակավայր` շուրջ 100 հազար բնակչությամբ: Այս պահին հաջողվել է տարհանել բնակչության շուրջ կեսին։

armeniasputnik.am